Friday, March 29மெய்ப்பொருள் காண்பது அறிவு
E-Magazine

‘சுமார் மூஞ்சி குமார்’களை விரும்பும் பெண்கள்: சர்வே சொல்றத கேளுங்க!

எல்லாவற்றிலும் ஸ்மார்ட் ஆக இருக்கும் ஆண்களைக் காட்டிலும், ‘சுமார் மூஞ்சி குமார்’களையே பெண்களுக்கு அதிகம் பிடித்திருக்கிறதாம். நம்ம ஊர்ல இல்லைங்க. இது லண்டன் பெண்களின் சமாச்சாரம்.

இங்கிலாந்தின் லண்டன் பல்கலை., ஒன்று, பெண்களுக்கு எப்படிப்பட்ட ஆண்களை பிடிக்கும் என்ற ஆய்வை சமீபத்தில் நடத்தியது. எத்தனை பேரிடம் இந்த ஆய்வு நடந்தது என்ற தகவல்கள் இல்லை. ஆனால் ஆய்வின் முடிவில், பல்வேறு ருசிகரமான தகவல்கள் கிடைத்திருக்கின்றன.

அர்னால்டு ஸ்வஸ்நேகர் போல கட்டுமஸ்தான ஆண்களை, அவ்வளவாக பெண்கள் விரும்புவதில்லை என்பது அந்த ஆய்வில் கிடைத்த முக்கிய தகவல்களில் ஒன்று.

அதேபோல், விரல் நுனியில் தகவல்களை வைத்துக்கொண்டு ‘டான் டான்’ என்று பொளந்து கட்டும் ஆண்கள் மீது மதிப்பு இருக்கிறதே தவிர, அவர்களை வாழ்க்கைத் துணையாக ஏற்பதில் சற்று தயக்கம் இருப்பதாகவும் தெரிவித்துள்ளனர்.

இந்த ஆய்வில் பங்கேற்ற பெண்களில் 15 சதவீதம் பெண்கள் மட்டுமே உடல், அறிவு, என அனைத்திலும் சரியாக இருக்கும் ஆண்களை பிடிக்கும் என்றும், 22 சதவீதம் பெண்கள், சராசரிக்கும் கீழ் இருக்கும் ஆண்களை பிடிக்கும் என்றும் தெரிவித்துள்ளனர்.

ஆனால் 40 சதவீதத்திற்கும் அதிகமான பெண்கள் ரொம்வே ஸ்மார்ட் ஆகவும் இல்லாமல், அதேநேரம் கடைசி பெஞ்ச் மாணவர் போலவும் இல்லாமல் நடுவரிசையில் இருக்கும் ஆண்களாக இருந்தால் பரவாயில்லை என்றும் தெரிவித்துள்ளனர்.

ஒரு படத்தில் நடிகர் தனுஷ் நாயகியிடம் சொல்வார்…”என்னை மாதிரி பசங்கள பார்த்த உடனே பிடிக்காது. பார்க்க பார்க்கதான் பிடிக்கும்,” என்பார். அதேபோன்ற சராசரி ஆண்களைத்தான் பெண்களுக்கு அதிகம் பிடித்திருக்கிறதாம்.

இன்னொரு ருசிகர தகவலும் இருக்கு. 50 சதவீத பெண்கள், தங்களை விட சுமாரான அழகுள்ள ஆண்களை துணையாக்கிக் கொள்வதில் எந்த தயக்கமும் இல்லை என்று கூறியுள்ளனர். அதேநேரம், அபார திறமை இல்லாவிட்டாலும், கொஞ்சம் அழகாயிருப்பதும் முக்கியம் என்று 35 சதவீத பெண்கள் கருத்து தெரிவித்துள்ளனர்.

எந்த ஊரு… எந்த நாடாக இருந்தாலென்ன…. பெண்களின் ரசனையை புரிஞ்சுக்கவே முடியலப்பா.

இணைப்பு 1:

இணைப்பு 2: